كيف أستخدم الموقع؟
شرح بسيط لكل شي، خطوة بخطوة
الأزرار اللي بتشوفها
يقرأ لك السؤال أو الكلمة بالإنجليزي، بصوت أمريكي واضح
يقرأ لك المعنى بالعربي
الإنجليزي ببطء بس، عشان تلقط كل حرف وتتدرّب على النطق
اضغطه وتكلّم بالإنجليزي، والموقع يكتب كلامك ويصحّحه
يطلعك من الدرس ويرجعك للصفحة الرئيسية
جاوبت صح! اضغط «التالي»
شوف الإجابة الصحيحة واسمعها، ولا تشيل هم: بترجع لك في المراجعة
أقسام الموقع
الرئيسية
فيها «خطة اليوم»: 3 خطوات بسيطة. اضغط «ابدأ» وكمّل.
تعلّم
كل الدروس بالترتيب. تبدأ بالحروف ثم الكلمات ثم أسئلة المقابلة.
ادرس
بطاقات لكل الأسئلة: شوف السؤال، اقلب البطاقة، وقل «أعرفها» أو «أراجعها».
اختبر
اختبارات قصيرة، والامتحان التجريبي اللي مثل المقابلة، والقراءة والكتابة.
المعلّم
اكتب له أي سؤال بالعربي. وفيه «المقابلة» تتدرّب فيها مع ضابط افتراضي.
المراجعة
الأسئلة اللي غلطت فيها ترجع لك هنا لين تحفظها.
ثبّت التطبيق على جوالك
الآيفون
من Safari
الأندرويد
من Chrome
مشاكل شائعة
وش يعني «تعلّمت» و«أتقنت» والنسبة؟
كل سؤال له 4 مستويات. تشوفها كنقاط على السؤال وأنت تدرس:
- كل إجابة صح ترفع السؤال مستوى: في الدروس، والاختبارات، والبطاقات («أعرفها»)، والمراجعة، والمعلّم.
- أي إجابة غلط ترجّع السؤال للمستوى 1، ويرجع لك في «المراجعة» عشان تثبّته.
- النسبة في الدائرة هي مجموع مستويات كل الأسئلة. 100% يعني كل الأسئلة متقنة.
- الأيام المتتالية: كل يوم تتدرّب فيه ولو بسؤال واحد يزيدها، وإذا فوّت يوم ترجع صفر. اليوم يبدأ الساعة 12 بالليل بتوقيت ولايتك.
ما أسمع أي صوت
ارفع صوت الجوال، وتأكد إنه مو على الوضع الصامت. في الآيفون فيه زر صغير على جنب الجوال يسوي صامت. وإذا كنت لابس سماعات بلوتوث تأكد إنها متصلة.
زر «عربي» ما يطلع صوت
الصوت العربي يجي من جوالك نفسه. في الآيفون: الإعدادات ← تسهيلات الاستخدام ← المحتوى المنطوق ← الأصوات ← العربية، ونزّل صوت (مثل «ماجد»). في الأندرويد: الإعدادات ← تحويل النص إلى كلام ← نزّل اللغة العربية.
المايك ما يشتغل
أول مرة يسألك المتصفح «تسمح للموقع يستخدم المايك؟»، اضغط سماح. إذا ضغطت «رفض» بالغلط، افتح إعدادات المتصفح واسمح للموقع بالمايك. المايك يشتغل في Chrome وSafari وEdge. وإذا ما اشتغل، تقدر تكتب الإجابة بدال ما تقولها.
الموقع يقول إجابتي غلط وهي صح
اكتب الإجابة قصيرة وبالإنجليزي، مثل the Constitution. وإذا الإجابة مثل اسم الحاكم أو السيناتور، احفظ إجابتك مرة وحدة في صفحة «إجاباتي الخاصة».
أي نسخة من الاختبار أدرس؟
إذا قدّمت طلب الجنسية (N-400) في 20 أكتوبر 2025 أو بعده: نسخة 2025. إذا قبلها: نسخة 2008. تقدر تغيّرها من «حسابي».
هل التطبيق يشتغل بدون إنترنت؟
الدروس والصفحات اللي فتحتها قبل تفتح بدون نت، وتقدر تتدرّب فيها. أول ما يرجع النت يتحدّث كل شي. المعلّم والاشتراك يحتاجون نت.
نسيت كلمة المرور
تواصل معنا ونرجّعها لك.
كيف ألغي الاشتراك؟
من «حسابي» ثم «الاشتراك» ثم «إدارة الاشتراك». الإلغاء يوقف الدفع التلقائي بس: المبلغ اللي دفعته ما يرجع، واشتراكك يبقى شغّال لين نهاية الشهر اللي دفعته.